مقالات حياتية

نصيحة إلي صديقي بعيد ميلاده

” كل عام وإنت بخير حال يا صديقي 💐💐💐”

هقولك نصيحة واحدة عظيمة قالهالي المدرب بتاعي في أول يوم تمرين مواي تاي ايام ما كنت بتدرب بالجامعة …تذكرة لي و لك ان شاء الله

خلانا نقف جنب بعض ونتخيل شخص خيالي قدامنا ونتمرن على لكمه بإيدينا اليمين فقط .. وفضلنا ربع ساعة كده بنضرب في الهوا لحد ما إيدي اليمين من كتر الوجع اتخدرت ومابقتش حاسس بيها فعلا واتضايقت وعايز أغير بقى وأتعلم ضربة جديدة مش هنقضي طول اليوم كداا!! فـ وقفت فـ عاقبني إني أنزل ضغط .. وأنا بعمل الضغط قالي النصيحة الجميلة دي:

يا هاني سمعت عن بروس لي صح؟
= رديت وأنا بنهج .. أكيد يا كابتن.
– بروس لي كان له مقولة شهيرة جدا وعظيمة .. كان بيقول
I fear not the man who has practiced 10,000 kicks once, but I fear the man who has practiced one kick 10,000 times.
أنا مش بخاف من الشخص الي اتدرب على 10 آلاف ركلة مختلفة مرة واحدة .. ولكن بخاف من الشخص الي اتدرب على ركلة واحدة 10 آلاف مرة.

عمرك ما هتحقق إنجاز حقيقي مش بس في الرياضة ولكن في حياتك كلها لو فضلت تنط زي (الفرقع لوز) كده من حتة للتانية بمجرد ما تدوق سنة من ألم المحاولة.. لو معندكش صبر .. مستحيل تتعلم شيء ويأثر فيك فعلا.

عشان يبقى ليك وزن وهيبة وقيمة على بساط الحلبة في البطولة .. لازم هنا تسف التراب .. لازم تسف التراب ….وتدوق طعم الألم الحقيقي الي يخليك توصل لحدود قدراتك بل وتعديها .. لازم تدخل في عملية التكرار المستمر الممل المرهق ده وتستحمل عشان تلاقي نتيجة.
==
بغض النظر عن إني كنت نمت على وشي وفاقد الإحساس بأطرافي من كتر الوجع، ولكن فعلا الراجل ده قال الي أغلبنا بيهرب منه،
.
إحنا اتعودنا على ثقافة الزتونة والتيكاواي والملخص، و ملخص الكتاب لاني معنديش وقت اقرأه ..وعايزين نخس ونبني عضلات …وناكل ونسافر ونتعلم ونحب …ونتشهر بسرعة، مش بهدف إننا نحقق مراد ربنا مننا، ولكن عشان يبقى عندنا “إنجاز” مادي يُشعرنا بقيمتنا أمام مجتنعنا الرأسمالي،
وللأسف ده عمره ما هيبني فكر ولا عقلية علمية، ولا عضلات وأعصاب حقيقية يعوّل عليها، وإنما يورث القلق والاضطراب والتوتر والترقيع المعرفي الذي يودي بنا للشك في كل شيء وجلد الذات المستمر.
.
حدد شيء واحد فقط يا صديقي وحطه أولويتك الأولى في يومك الأول بعامك الجديد ، واضبط بوصلتك على مراد الله منك أولا، ثم ضع أغلب مجهودك وتركيزك وتمرينك عليه، أيا كان هو إيه بقى، علم، برمجة، لغة، شغل، كورسات، دراسة، رياضة، هواية .. أي حاجة.

واستمر في التدريب عليها كل يوم ولو ربع ساعة فقط، واصبر أبوس إيدك، بعد سنتين تلاتة هتبقى خبير ووصلت لمرحلة متقدمة جدا جدا في النقطة دي وأصبح لك ثقل حقيقي،

كل سنة وانت طيب و الي الله أقرب ….و هقولك علي حاجة تانية …أنا يوم عيد ميلادي بقعد أحاسب نفسي و اعزم نفسي علي قهوة بمكان منفصل لوحدي و اقعد بالورقة و القلم أقيّم اللي فات و أرسم و أخطط للي جاي …..كل سنة وانت طيب .

اخوك / هاني عبد المنعم

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.